កម្មវិធីនាទីឈ្វេងយល់ព្រះពុទ្ធសាសនា លើកទី ៣៩៨ ប្រារឰនៅថ្ងៃ ៣ កើត ខែជេស្ឋ ពុទ្ធសករាជ ២៥៥៤ ត្រូវនឹងថ្ងៃទី ១៥ ខែ ឧសភា ឆ្នាំ ២០១០ ដែលមាន ប្រធានបទ វោហារជារបស់ព្រះអរិយ បួនយ៉ាង ដែលនាទីឈ្វេងយល់នេះមាន ឧកញ៉ា មហាឧបាសិកា ញ៉ឹក ប៊ុនថា ជាអ្នកឧបត្ថម្ភកម្មវិធី ដែលមាន ព្រះសង្ឃចូលរួមមានចំនួន ២០ អង្គនិង ពុទ្ធបរិស័ទ្ធ មានចំនួនប្រមាណជា ១៥០ នាក់។

វោហារមិនមែនជារបស់ព្រះអរិយៈ មាន ៤ យ៉ាង គឺ ពាក្យកុហក១ សំដីញុះញង់ សំដីទ្រគោះ១ សំដីរោយរាយឥតប្រយោជន៍១។ វោហារជារបស់ព្រះអរិយៈ មាន ៤ យ៉ាង គឺ ការវៀចាកពាក្យកុហក១ ការវៀចាក សំដីញុះញង់១ ការវៀចាកសំដីទ្រគោះ១ ការវៀចាក សំដីរោយរាយ ឥតប្រយោជន៍១។ វោហារមិនមែន ជារបស់ព្រះអរិយៈ មាន ៤ យ៉ាងដទៃ ទៀតគឺ មិនឃើញ ថាឃើញ១ មិនឭ ថាឮ១ មិនប៉ះពាល់ ថាប៉ះពាល់១ មិនដឹងច្បាស់ ថាដឹងច្បាស់១។ វោហារជារបស់ព្រះអរិយៈ មាន ៤ យ៉ាងដទៃទៀត គឺមិនឃើញ ថាមិន ឃើញ១ មិនឮ ថាមិនឮ១ មិនប៉ះពាល់ ថាមិនប៉ះពាល់១ មិនដឹងច្បាស់ ថាមិនដឹងច្បាស់១។ វោហារមិនមែនជារបស់ព្រះអរិយៈ មាន ៤ យ៉ាង ដទៃទៀត គឺ ឃើញ ថាមិនឃើញ១ ឮ ថា មិនឮ១ បានប៉ះពាល់ថាមិនបានប៉ះពាល់១ ដឹងច្បាស់ ថាមិនដឹងច្បាស់១។វោហារជារបស់ ព្រះអរិយៈ មាន៤ យ៉ាង ដទៃទៀត គឺ ឃើញ ថាឃើញ១ ឮ ថាឮ១ ប៉ះពាល់ ថាប៉ះពាល់១ ដឹងច្បាស់ ថាដឹងច្បាស់១។