កាលពីថ្ងៃទី ៣១ ខែធ្នូ ឆ្នាំ២០០៩ ដល់ថ្ងៃទី០១ ខែ មករាឆ្នាំ ២០១០ ពុទ្ធិកសមាគមកម្ពុជរដ្ឋ ដែលដឹកនាំដោយ ឧកញ៉ាមហាឧបាសិកា ញ៉ឹក ប៊ុនថា និងពុទ្ធបរិស័ទ សប្បុរសជនជា ច្រើនរូបទៀតបានអញ្ជើញ ចូលរួមជាកិត្តិយសក្នុង ពិធីអភិសេកព្រះពុទ្ធរូប នៅ ស្រុកបាងលុង ខេត្តរតនៈគីរី។

នៅក្នុងកម្មវិធីនោះមានការនិមន្តចូលរួមពី ព្រះគ្រូចៅអធិការវត្តឥសាន្តរតនារាម, លោកអភិបាល ខេត្តរងនិងលោកជំទាវ, លោកអភិបាលស្រុកបាន់លុង, លោកជំទាវ ម៉ែន នារីវុឌ្ឍី-ហូសុធី ទីប្រឹក្សាពុទ្ធិកសមាគមកកម្ពុជរដ្ឋ, លោកស្រី ម៊ួរ វួច,លោកស្រី សេង សុខុម, កញ្ញា ខេង ច័ន្ទគ្រឹស្នា ទីប្រឹក្សាពុទ្ធិកសមាគមកម្ពុជរដ្ឋប្រចាំនូវ New Zealand និងមន្រ្តីរាជការក្នុងជាច្រើន រូបទៀត។ ព្រះពុទ្ធរូបដែលកសាងនោះមានកំពស់ ៧ ម៉ែត្រ ដែលនឹងត្រូវចំណាយថវិកាអស់ ជាង២ម៉ឺនដុល្លាសហរដ្ឋអាមេរិក ។

បន្ទាប់ពីពិធីអភិសេកព្រះពុទ្ធរូបចប់ មហាឧបាសិកា ញ៉ឹក ប៊ុនថា និងគណៈអធិបតី បានចែក អំណោយដល់ សិក្សានុសិស្ស ជនជាតិភាគតិច និងជនក្រីក្រ ដែលមានផងដែរនូវពិធីលៀង អាហារសម្រាប់ពួកគាត់ ។