កម្មវិធីនាទីឈ្វេងយល់ព្រះពុទ្ធសាសនា លើកទី៣៨០ ប្រារឰនៅថ្ងៃ ៣រោច ខែបុស្ស ពុទ្ធសករាជ ២៥៥៣ ត្រូវនឹងថ្ងៃទី៣ ខែ មករា ឆ្នាំ ២០១០។ ប្រធានបទអំពី ធម្មក្ខន្ធ៤យ៉ាង គឺចាប់បន្តពី វិមុត្តិខន្ធ គឺការរួចផុតពី កិលេស អកុសល ដែលជាហេតុឱ្យសត្វ រងទុក្ខវេទនា ២ យ៉ាងដែលមាន ចេត្តោវិមុត្តិ ការរួចផុតដោយអំណាចសមថៈ និងបញ្ញាវិមុត្តិ ការរួចផុត ដោយអំណាចវិបស្សនា វិមុត្តិ បើពោលឱ្យចំ ពោលឱ្យរឹងរិតតែច្បាស់គឺជារស់ជាតិ របស់បុគ្គលដែលពាល់ត្រូវនូវព្រះនិព្វាននោះឯង ដែលជាទីបំផុតនៃព្រះពុទ្ធសាសនា។ ឯពេលល្ងាចមានការសន្ទនាអំពី ពលៈធម៌៤យ៉ាង

• វីរិយពលៈ កំលាំងគឺសេចក្តីព្យាយាម១
• សតិពលៈ កំលាំងគឺសតិស្មារតី ការរលឹកដឹងរឿយៗ
• សមាធិពលៈ កំលាំងគឺការតំកល់ចិត្ត មុំានឹងធឹង
• បញ្ញាពលៈ កំលាំងគឺ បញ្ញាពោលគឺការយល់ដឹង

នៅក្នុងថ្ងៃនេះក៏មានកម្មវិធីវេរ ព្រះត្រៃបិដក ១ចប់ ព្រមទាំងទូ១ វចនានុក្រម បទានុ​ក្រម រត្តនវត្ថុ ពុទ្ធបរិស័ទ ១ចប់់ ប្រគេនដល់ព្រះសង្ឃគង់នៅ វត្តនាគវន័ រាជធានីភ្នំពេញ។

កម្មវិធីនាថ្ងៃនេះ ក្រោមអធិបតីភាពរបស់ ព្រះទេសត្ថា ឃី សុវណ្ណរតនា ,ព្រះសង្ឃចូលរួមមានចំនួន ២២ អង្គនិង ពុទ្ធបរិស័ទ្ធមានចំនួនប្រមាណជាង ២៥០ នាក់។