កាលពីថ្ងៃទី២៩ ខែធ្នូ ឆ្នាំ២០០៩ វេលាម៉ោង ៤ រសៀល ឧកញ៉ាមហាឧបាសិកា ញ៉ឹក ប៊ុនថា ប្រធានពុទ្ធិកសមាគមកម្ពុជរដ្ឋ និងលោកស្រីមួរ វូច បានចូលរួមក្នុងពិធីកាត់ខ្សែបូសម្ពោធ ព័ត៌មានដ្ឋាន នៅរាជបណ្ឌិតសភាកម្ពុជា ក្រោមអធិបតីភាពរបស់លោកជំទាវ បណ្ឌិត ខ្លូត ធីតា ប្រធានរាជបណ្ឌិតសភាកម្ពុជា រួមជាមួយដោយសាស្ត្រាចារ្យ និងមន្ត្រីរាជការជាច្រើនរូបទៀត ។

ព័ត៌មានដ្ឋាននេះ សាងសង់អស់ទឹកប្រាក់ចំនួនប្រមាណ ជាងប្រាំពីរពាន់ដុល្លាសហរដ្ឋអាមេរិក ($7000) ក្នុងនោះមានការបរិច្ចាគ ឧបត្ថម្ភដោយ មហាឧបាសិកា ចំនួនប្រាំមួយពាន់ដុល្លាសហរដ្ឋអាមេរិក ($6000) និងឧបត្ថម្ភដោយលោកស្រី មួរ វួច ចំនួន ប្រាំរយដុល្លា($500) និងមានការចូលរួមពីសប្បុរសជន ដទៃផ្សេងទៀតផងដែរ ៕៚